Y Procer

Procer Medi ‘10

 

Ffug

O 2005 at 2009 gweinyddodd y Parchedig Alex Brown 360 o briodasau ffug yn  Eglwys San Pedr a San Paul yn St Leonards-on-Sea, dwyrain Sussex. Mewn seremoniau  ‘unodd’ gyplau o Affrica a dwyrain Ewrop er mwyn iddynt fedru hawlio byw ym Mhrydain.  Byddent yn talu £3,000 am y “briodas.” Yn y twyll cafodd gymorth Vladymyr Buchak - yntau’n llechu yma’n anghyfreithlon.

 

Alex Brown wrth ei waith.

Haeddu medal

Cred y Blismones Alison Doyle ei bod yn haeddu tâl gwyliau a medal am  hir-wasanaeth gan  heddlu Northumbria. Y mae’n  erlyn yr heddlu yn y llys i sicrhau ei hawliau, er na fu yn ei gwaith ers wyth mlynedd.

 

Y Clamp

Nid yw clampwyr Llundain yn ffafrio neb, hyd yn oed perchnogion brenhinol newydd  Harrods!  Clampiwyd ceir aelodau o’r teulu cyfoethog  o Qatar.

 

 

Fe gostia’r Koenigsegg CCXR £1.2million, a’r Lamborghini Murcielago LP670-4 SuperVeloce £350,000. I ryddhau’r clamp? Tua £120, ac fe glampiodd cyngor Kinghtsbridge 8,883 o geir y llynedd.

 

 

Aberth

Dyma’r Parchedig John Talfryn Jones cyn hanner dydd, Sul Awst 1af.

Dyma lun ohono wedi’r hanner dydd:

Eilliwyd ei ben o flaen aelodau Ebeneser Rhydaman gan  Keith, y barbwr lleol.  Y mae’r Capel mewn dyled i’r Undeb ac i helpu ei chlirio cododd John £2,000 eisoes ar y dydd drwy eillio’i farf.  Y tro hwn, fel Paul gynt, eilliodd ei ben.  Mae’r Capel yn ffodus bod ganddo wallt i’w golli!

 

Halal

Medd un Mwslim, ymhen 25ain bydd gennym brif weinidog Mwslimaidd yn Rhif 10.  Eisoes mae ganddynt aelod yn y Cabinet – Barones Warsi, a 16 o aelodau Seneddol. Teimlir eu dylanwad yn drwm ar benderfyniadau llywodraeth a chynghorau e.e. cyngor  Harrow sydd wedi penderfynu mai ond cig Halal fydd yn cael ei roi o flaen plant ysgolion cynradd o hyn ymlaen. Halal?  Lladd creadur gyda chyllell ar draws ei wddf, a’i adael i waedu i farwolaeth.

 

 

 

Gall hyn gymryd i fyny at bum munud ac mae’n weithred anghyfreithlon i bawb arall ym Mhrydain. Bydd y bwtsiwr-Mwslim neu Iddew, yn llafarganu bendith dros y truan.  Ni fydd cig moch, wrth gwrs, yn cael ei ganiatau.

 

Gwregys diogelwch

Os yn bensiynwr, yn ffaeledig, ac yn gyrru ar ffyrdd gwledig Gwent, cofiwch wisgo eich gwregys neu fe all hyn ddigwydd i chi-

 

 

ac fe all swyddog dewr arall fod wrthi’n cicio’ch sgrin-wynt  yn ufflon cyn eich llusgo allan o’ch modur.  Wel! mae’n hen bryd rhoi’r henoed peryglus yma’n ei lle, ond tydi?

 

Grym Gweddi

Gwyr y Cristion bod Gweddi’n bwerus ac yn fodd i iachau a hybu iachau mewn llawer amgylchiad.  Bellach gellir dweud hynny’n swyddogol.

 

 

Arddodiad dwylo.

 

Bu profion ym Mhrifysgol Indiana o dan arweiniad yr Athro Candy Gunther Brown.  Fel y disgwylir, y mae rhai yn amau’r canlyniadau.  Mae rhywbeth ynddi nhw felly!

 

Diolch!

Gwrthododd y Co-op yn Croydon syrfo Sapper Anthony Walls milwr newydd ddod ’nol o Affghanistan, am ei fod yn dal yn ei iwnifform.

 

 

 A fyddai problem syrfo person mewn Bwrca, tybed?  Felly, am beth wyt ti’n mentro dy fywyd frawd?

 

Peryglus

Dywedir bod y camerau cyflymdra wedi achosi dros 28,000 o ddamweiniau ers 2001, oherwydd bod gyrrwyr yn canolbwyntio ar y cloc cyflymdra yn hytrach nar traffig.

 

 

Ond credir bydd y poster yma o Kelly Brook yn achosi llawer mwy o ddamweiniau.

 

 

Proffwyd

Dywedir bod Harry’r  lefiathan (crocodile) wedi nodi mai Julia Gillard fydd  Arlywydd nesaf Awstralia drwy lyncu’r ffowlin wrth ei llun.

 

 

 Ysgrifenna Germaine Greer amdani “Julia Gillard is a childless, 48 year old, unmarried atheist red-head who lives in sin with her hairdresser.” Dim byd anghyffredin felly!

 

Geirfa

Fel y mae pethau newydd yn ymddangos y mae angen geiriau pwrpasol amdanynt yn y Gymraeg .  Dyma ddau awgrym – “Facebook” -“Wepfan”;  “Twitter” - “Trydar.” ?

Hafan

YN OL